Ola peques e familias!!
Aínda que o tempo non acompañou non podiamos deixar de festexar unha das mellores TRADICIÓNS DO OUTONO... Cal?
Así que puxémonos as nosas mellores galas e preparámonos para todas as actividades que nos esperaban!!
Para comezar, tivemos unha xornada de XOGOS POPULARES!! O de antes era ben divertido, que SORTE temos de poder gozar desta alternativa en todos os recreos!! Grazas aos compis de sexto por axudarnos e acompañarnos!! Pasámolo pipa!!
Continuamos na aula coñecendo un contiño moi divertido e cunha mensaxe ben importante!! Aquí vos deixamos o vídeo:
A CASTAÑA QUE REBENTOU COA RISA
Xa para repoñer forzas tocaba MERENDAR!! Unhas castañas asadas ben ricas acompañadas dun boliño preñado que estaba delicioso!!
Aproveitando o lume do asado de castañas continuamos coa queima dos MEDOS do Samaín!! MEDOS FÓRA!!
Aínda tivemos tempo dun longo recreo antes da FOLIADA final!! Houbo moita música ao son das pandeiretas e o acordeón dalgunhas mestras e alumnas, baile tradicional, unha danza chamada CARBALLESA que bailamos todo o cole xunto e de remate FOLIADA CON BAILE LIBRE!!
Ningún comentario:
Publicar un comentario