Actividade de igualdade!!

 Ola peques e familias!! 

Que importante é traballar a IGUALDADE a todas as idades e en todos os ámbitos, tamén no cole!! A diario está presente este tema pero non está de máis unha actividade como a desta semaniña!! 

Recibimos a Sara, unha mestra que nos presentou: "ABAIXO AS CAIXAS" de Realkiddys (Alba Alonso)!!

Porque ás veces estamos "metidos" nelas sen darnos conta e debemos ser conscientes para ser libres de poder elexir!! 

 Así que Sara e Alén ofrecéronse voluntari@s para "meterse nas caixas " e despois Sara comezou a sacar xoguetes e máis xoguetes e nós decidiamos en que caixa os metiamos! 

O vídeo fala por si só... 

...pero comezan a xurdir as dúbidas e a quedar xoguetes no medio de ambas caixas!!

Así que finalmente toca reflexionar e... "romper" as caixas!! Ou polo menos saír delas!! 

Que ben se sinte un podendo elexir con que xogar, como disfrazarse ou que profesión ter!! E poder compartir e pasar momentos xunt@s, aínda que sexamos diferentes nalgunhas cousiñas!!

Foi moi interesante e a reflexión pode continuar na casa!! Animádevos!! Grazas á ANPA por esta actividade!! E mañá xoves día 16 ás 18:30 horas máis no concello para vós!! Esperámosvos!! 

Recoméndovos tamén os seus libros de lectura e de colorear!!

E sabedes unha cousa?? 

A nosa compi Carmen tivo a gran sorte de coñecer á escritora e facerse unha foto xunto a ela!! Que momentazo!!

Apertiñas diversas!!