Todo queda no concello!!

 Ola peques e familias!! 

Os OBRADOIROS DAS FAMILIAS 

aínda non remataron!! 

E esta semana tivemos dous moi relacionados co CONCELLO!! É un tema que xa temos bastante controlado pero...sempre se pode aprender máis!!

E diso encargáronse Eva e Isidro, os papis de Alma!! El é traballador dos SERVIZOS MUNICIPAIS do Concello da Illa de Arousa, mentras que ela é ADMINISTRATIVA no Concello de Vilagarcía pero parece que ambas profesións...están moi relacionadas!! 

Primeiro comezou Isidro contándonos toooodos os traballos que fai!! Como arranxar elementos das rúas e dos parques do concello...pero tamén colocar as sinais de tráfico!! 

E alucinamos cando nos dixo algunhas das cousas que fixera no noso cole!! Dende colocar o ROCÓDROMO do patio, pintar a BIBLIOTECA ou montar practicamente todo o novo espazo do cole que se chama POLOS CREATIVOS!! Xunto cun compañeiro, puxeron o chan, pintaron as paredes, montaron e colocaron os mobles...QUE PASADA!! 

Para todos estes traballos precisa MERCAR ferramentas, materiais, etc. Teñen que darlle unha FACTURA e aquí entra o traballo de Eva!! 

Ela terá que comprobar que ten todos os datos e están correctos para autorizala e poder efectuar o pago. Despois selecciónase de que "peto" se teñen que sacar os cartos e xa pasariamos a outro departamento: o de TESOURERÍA, os compañeir@s que TRABALLAN EN EQUIPO con Isidro e Eva!! Nós metémonos no papel e...A XOGAR!! 

Levámoslle as FACTURAS a Eva, comprobaba que todo estaba en orde e tocaba seleccionar o "peto" do que debiamos coller os cartiños!! 

E despois...

a contar para coller 

as cantidades exactas!! 

Pero... non é tan sinxelo!! Eva debe controlar que ningún peto se quede sen cartiños senón hai que recurrir ao alcalde e facer unha votación como nos pasou a nós para realizar unha TRANSFERENCIA de cartos dun "peto" a outro!! 

Finalmente saiu aprobada e puidemos rematar o noso obradoiro e saldar todas as débedas!! Pero quedaba unha SORPRESIÑA que nos deixou abraiad@s!! 

Alma repartiunos unha bolsiña moi curiosa de lambonadas!! Traía un ladrillo, unha sinal e unha moeda de chocolate!! Entendedes por que?? Moi ben pensado!! 

E tocou despedilos cun enorme aplauso, un gran agradecemento e, por suposto, os merecidos DIPLOMAS!! 

Moitísimas grazas a esta 

marabillosa familia e a Alma 

por ser tan boa axudante!! 

Ata prontiño!!