Experimentando cos materiais!!

Ola peques e familias!! 

Xa levamos uns días investigando e aprendendo sobre os MATERIAIS e que mellor forma que EXPERIMENTANDO!! 

Para introducir a xornada de experimentos comezamos recordando e analizando os materiais da "RECEITA" que nos propuxo o pai de Alén para facer FORMIGÓN!! 

Despois falamos sobre o resultado final e tivemos claro que para nós eran XEADOS!!

 Analizamos as súas CARACTERÍSTICAS/ PROPIEDADES: son duros e opacos, non son elásticos, adáptanse á forma do recipiente... saíron moitos datos interesantes!! 

  Pero isto non rematou aquí: seguindo o PROXECTO DESTE CURSO: BENESTART, enchémolos de CREATIVIDADE E MOITA COR coa axuda da mestra de plástica!! 

Creamos o "NOSO XEADO FAVORITO"!! 

Así quedaron!! 

Despois na aula continuamos traballando con eles ata que emprenderon a viaxe para as nosas casiñas!! Vaia actividades máis interesantes!!

A continuación a mestra, Amaranta e Luca tiñan preparada unha bolsa con diferentes obxectos que fomos sacando cos ollos pechados e intentando averiguar de que MATERIAIS estaban feitos e as súas CARACTERÍSTICAS/PROPIEDADES!! Foi moi divertido!! 

Fomos un pouquiño máis alá comprobando se os obxectos FLOTABAN, AFUNDÍAN, se DISOLVÍAN... algúns sorprendéronnos!!

A seguinte non é a mellor foto pero as caras son o reflexo da APRENDIZAXE a través da EXPERIMENTACIÓN, o XOGO e a DIVERSIÓN!! 

Os xogos online tamén nos molan moito tanto de maneira individual como en equipo!! Podedes atopalos na ENTRADA ANTERIOR e xogar máis na casa cando queirades!! E así... repasamos!!

 Apertiñas creativas!!