Semana da prensa!!

Ola peques e familias!! 

Que bonito e interesante está sendo o PROXECTO deste curso: "BENESTART"!! 

E sempre aproveitamos para enlazar todo con el... neste caso, a SEMANA DA PRENSA!! A actividade na que participamos todo o cole consistiu en recopilar PALABRAS POSITIVAS EN GALEGO nos xornais que rematasen en -ARTE!! Como atopamos poucas, buscamos outros medios para axudarnos, sempre traballando en EQUIPO!!

Primeiro apuntamos todas as que atopamos e logo seleccionamos as positivas!!

Tamén tivemos que pintar uns carteliños con esa palabra ben bonitos!! 

Pero a SORPRESA ven agora!! @s mestr@s convertíronas en OBRAS ARTÍSTICAS que nos acompañarán no cole para sempre!! Mirade, mirade!! Que vos parece?? Agora subir por esas escaleiras é diferente!! PINTAN UN SORRISO na nosa cara inevitablemente!! Quedaron preciosas!! 

Pero a cousa non rematou aí... 

Mirade quen pisaba esas escaleiras para visitarnos!! 

LIBRIA apareceu na nosa aula para sorprendernos con algo máis!! Ao oír os cascabeis xa comezou a ilusión!! Aínda que a profe xa a viu cando saía da biblio!!

Que feliz nos fai sempre recibila xunto cos seus axudantes de sexto!!

Vaia SORPRESAZA!! 

PRENSA para a aula!! 

Xornais e revistas chulísimos!! Cando tocou despedirse dela chocámoslle as mans ata non poder máis e enchémola de apertas!! 

Todo quedou ben colocadiño na nosa BIBLIO DE AULA para gozar moita da súa LECTURA os próximos días pero... queredes saber un segredo?? 

Cando tod@s marchamos uns personaxiños que coñecemos ben xa estrearon o agasallo!! Mirade, mirade!! Estaban lendo sobre árbores senlleiras e arte, por suposto!! Interesante!!

Apertiñas lectoras!!