Semana de contacontos!!

Ola peques e familias!! 

Esta semana foi moi, moi especial!! Libria preparounos xunto coa colaboración do Concello e da ANPA dous CONTACONTOS que nos encantaron!! 

O primeiro foi co gran Caxoto!! 

O tema da igualdade estivo moi presente entre as personaxes dos contos clásicos!! No seu blog Libria volo conta todiño!!

CONTOS VELLOS, NOVOS FINAIS

O seguinte contacontos foi da man da grandísima Paula Carballeira que nos foi preparando para o Samaín coas súas dotes estupendas de contacontos e actriz!! 

Aquí podedes ver toda a actividade:

"ELAS TRES"

Estamos moi agradecidos/as por estas estupendas actividades!! Animádevos a deixarlle algún comentario no blog de Libria!! Encántalle recibilos!!

Apertiñas contadoras!!

O corpo e as emocións!!

Ola peques e familias!! 

O coñecemento do corpo nunca ten fin porque hai tanto por descubrir!! Comezamos pola parte física da que xa somos uns expertos/as e na que xurden interesantes debates e aprendizaxes como... cal é a cor da pel?? 

Hai tantas opcións como persoas!!  

E contos moi interesantes!!

Aproveitamos para ensinarvos o resultado da nosa silueta!! 

Un gran traballo en equipo con bos resultados!!

O corpo tamén está presente nos momentos de xogo libre!! Mola aprender xogando!!

Pero tamén é de gran importancia o gran MUNDO DAS EMOCIÓNS!! Coñecelas para saber poñerlles nome, explicar que nos pasa e como nos sentimos axuda a saber xestionalas. Fai uns diíñas coñecémolas un pouco mellor utilizando o FOLIO MÁXICO e rematamos debuxando a emoción que sentiamos nese momento. Só puiden captar algunhas delas pero a ALEGRÍA estaba presente en todos os debuxos, que marabilla!! 

Pero agora xa estamos máis preparados/as para cando as demais aparezan, xa que todas son válidas e importantes!! E vós familias, como vos sentides respecto a este principio de curso? Podedes compartilo nun comentario se vos apetece!! 

Apertiñas emocinais!!

A mochila viaxeira xa comezou as súas viaxes!!

Ola peques e familias!! 
Libria nunca para de sorprendernos e fai uns días mandounos unha carta que viña acompañada dun agasallo: 

A MOCHILA VIAXEIRA!! 

Esta mochiliña xa comezou a viaxar ás casas!! O primeiro en levala foi Mateo que disfrutou moitísimo da lectura dos contos!! 

Tamén fixo un montón de RECEITAS do libro dos diferentes países e ata nos trouxo o HUMMUS, alimento típico de México para probar!! Moitos/as nos animamos a probar e varios encantounos!!

Mil grazas por compartir con nós o cociñado!! O proxecto só acaba de arrancar e por momentos como estes de coñecer alimentos doutros países, aproveitar para coñecer máis cousiñas deles e probar novos alimentos saudables xa merece a pena!!

E, para rematar, a mochila leva unha libretiña cunhas indicacións:

Mateo plasmou o seu libro e a súa receita favorita!! 

A seguinte viaxe vai a parar a casiña de Iván!!

 Xa nos contarán que tal lle foi por alá!! 

E como di Libria, 

recordade que: 

"UN DÍA SEN LER, 

É UN DÍA PERDIDO". 

Saudiños lectores!!

Unha saída moi saudable!!

 Ola peques e familias!! 

Seguimos coñecendo cada vez mellor o noso CORPO e os mellores HÁBITOS para coidalo!! Sabemos que un é o deporte e tamén a alimentación, por iso as nosas merendas son cada vez máis saudables!! 

Fai uns diíñas as profes unindo estes dous marabillosos hábitos organizaron unha SAÍDA AO CABODEIRO MOI SAUDABLE!! 

Primeiro, fixemos un pouquiño de deporte con xogos moi divertidos e tivemos moito contacto coa natureza facendo ARTE con ela!! Que importante é deixar voar a imaxinación!! (sobre todo, sen pantallas diante!!)

Despois tocou un PICNIC SAUDABLE!! 

Aquí algunhas merendas moi, moi SAUDABLES E RIQUÍSIMAS!! Froita por suposto, queixo, iogur natural sen azucres nin edulcorantes, tortitas de avea e plátano, chips de boniato...que boas opcións e ideas!!

E sempre presentes as vosas preciosas notiñas!!Á profe tamén lle encanta lelas!!

Pronto vos contaremos o primeiro obradoiro de familias tamén sobre este tema e a seguinte saída que xa fixemos!! Estade atentos/as!!

 Saudiños saudables!!