Obradoiros de xogos tradicionais!!

Ola peques e familias!! 

Este trimestre estivo cheo de OBRADOIROS DE TRADICIÓN ORAL grazas aos nosos avoíños e avoíñas!! Canto aprendemos e que ben o pasamos!! Fai unhas semaniñas visitáronnos os avós de Martín e Roi que viñeron a compartir con nós os XOGOS cos que pasaban o tempo de pequenos!! 

Encantounos escoitalos e ver as fotiños que trouxeron!! 

Pero o mellor de todo foi xogar con eles!! 

No seguinte enlace tedes un vídeo resumo da visita: 

CARCAMÁN TV

Fixémoslle entrega do merecido diploma e eles tamén nos fixeron uns agasalliños!! Que afortunados somos!!

Grazas pola vosa colaboración, paciencia e agarimo!! 

Apertiñas agradecidas!!

A biblioteca galáctica contra a IA fantástica!!

 Ola peques e familias!! 

O título desta entrada correspóndese co do libro que nos agasallou LIBRIA e no que se basea a OBRA DE TEATRO á que acudiremos o próximo mércores todo o cole ao auditorio!! 

Levamos unhas semaniñas léndoo moi emocionados/as!! 

Chegou un momento que ata parecía que nós formabamos parte do conto!! Comezaron a aparecer personaxes pola nosa aula!! 

Un día quedamos intrigados/as á vez que preocupados/as porque o Profesor Smith, o malo da historia, quería colarse NOS NOSOS CONTOS para cambialos!! 

Só podía evitalo Sara, unha das protagonistas!! Alucinamos cando abrimos o libro ao día seguinte... ESTABAMOS SALVADOS!! Sara estaba en cada un dos nosos libros!! 

E efectivamente, ao rematar ese capítulo, SARA SALVARA O NOSO CONTO!! Agora só nos quedan dous máis para coñecer o final da historia pero...sabemos que pinta moi ben!! Mentras tanto... gustáronnos tanto as PERSONAXES que estamos argallando algo que nos ten moi emocionados/as!! Que credes que será? Unhas pistas en forma de imaxes...

Outra pista... Levamos uns diíñas traballando e profundizando sobre diferentes tipos de COMPOSICIÓNS LITERARIAS: NARRATIVA, POESÍA, TEATRO E CÓMIC. De paso, aproveitamos para entender mellor o etiquetado da CDU da nosa biblio!! 

Encantounos descubrir as ONOMATOPEAS... 

Ou os diferentes BOCADILLOS DE CÓMIC e o seu significado!! 

XOGO SOBRE O CÓMIC

Esta entrada define á perfección o termo: MOTIVACIÓN Á LECTURA e iso Libria teno presente sempre!! 

Xa que, como di ela:

"UN DÍA SEN LER, 

É UN DÍA PERDIDO".

Apertiñas lectoras!!

Exprimindo as últimas semanas de trimestre!!

 Ola peques e familias!! 

Toca exprimir as últimas semanas e temos moitas actividades en marcha!! Unha que nos encanta é que os/as mestres/as andan argallando poñer novas propostas no patio e para iso preguntaron a todas as aulas que nos gustaría!! Na nosa clase que nos tomamos todo moi en serio, o primeiro que fixemos foi realizar cada un un PLANO INDIVIDUAL do que nos gustaría atopar nel e onde o situariamos.

 Despois puxemos as ideas en común e baixamos a analizalas no propio terreo!! 

Unha delas era ter un "lugar onde plantar" e así descubrimos que xa o tiñamos e que se queriamos utilizalo tocaba recuperalo!!

 Agora todas as nosas propostas irán plasmadas neste plano grupal!! 

Encantounos ser parte desta iniciativa!! Agora a nosa parte está feita, a seguinte tócalle aos profes!! Esperaremos ilusionados/as a ver que se pode facer!!

Tamén estamos moi emocionados/as coa lectura do conto que nos agasallou Libria!! 

Encántanos ir atopando as personaxes dos contos que xa leramos anteriormente e descubrir as aventuras que viven!! Quédanos pouquiño para rematar e estamos moi intrigados/as co final!! Que pasará?? Como rematará?? Admítense apostas en comentarios!!

O que temos claro é que cumpriremos a misión de lelo antes do ESPECTÁCULO DE TEATRO sobre o mesmo que nos preparou Libria no auditorio o próximo mércores!! Non nos dá chegado o día!! Seguiremos informando... 

E, por se fora pouco, hoxe tocounos a quenda do TORNEO DE XADREZ INTERNO do noso cole!! 

Que gran experiencia tamén!! E aínda non rematou... aínda queda moito por contarvos!!

Apertiñas lectoras!!